[解說] ES-BP 常態波幅通道指標 v20240608

admin

問:
睇紧你讲的常态波幅，但即日波幅小，要调整点数，否则在中軸上落行走，学习中


答:
其實 "常態波幅" 原意係找"一段時期" ,例如: 5日常態波幅頂底

每日都會用大約相同點數做頂, 底, 而到達後會走反向,
而且要走到相反的通道頂/底線,
這樣才是常態波幅 !

目的: 用最少的出擊次數, 達到最佳每日效果




ES-BP 指標為 有波幅順勢設計

有止損止盈線

順勢無敵  但怕橫行 !

常態波幅 點數通道線:  有波幅上落市無敵  , 但怕無波幅橫行 !

1) 有 2條短期支持阻力線 ( 止損止盈線 )

   順勢時通常 2 條線會同一數值, 順勢時 2 條線重叠只見到 1條線,

   橫行或轉向時, 就會見到 2 條線數值開始變化, 出現可見的 2條線,

   此時第1支K線燭可以視作 "偷步轉向位置"
  (留意: 偷步是逆向操作, 所以順勢時失敗機會係較高)!

   而 2條線重叠位, 就是順當時走勢位置, 重叠位第1支燭可以視為順勢入市位置。


   順勢時:
   1. 只見 1 條線,  2 條線處於 "重叠狀態"
   2. 價位處於上/下;

轉向/橫行時:
   1. 可見 2 條線,  2 條線處於 "分開狀態",
   2.  價位處於 2 條線 價位中間;

2) 指標中會加放一條SMA 線方便看大方向走勢 (預設SMA60)

3)  加入:  "TU", "TD"   
TU (TOUCH BP LINE UP)
觸BP 紅線陽燭, 順勢時跟走向上,  亦為一個轉捩點位, 所以反向跌穿 LOW 時即轉方向向下;   

TD (TOUCH BP LINE DN)
觸BP 紅線陰燭, 順勢時跟走向下,   亦為一個轉捩點位, 所以反向升穿 HIGH 時即轉方向向上;


運用時可以只參考你的大方向:
TU 須是陽燭向上意, 如 跟大方向 是 跌的話,  向上不入市, 跌穿BP LINE先入沽就對 ( 重點跟大走勢 )!
TD 須是陰燭向下意,  如 跟大方向 是 升的話, 向下不入市, 上穿BP LINE先入楂就對 ( 重點跟大走勢 )!

順大方向時就跟原意做就可以:
跟大方向 是 升, TU 是陽燭向上入楂( 重點跟大走勢 )!
跟大方向 是 跌, TD 是陰燭向下入沽( 重點跟大走勢 )!
4)  常態波幅通道   (主要用途: 捕捉轉勢 頂 底 )
     方便觀察到達 "常態波幅" 點數位,    以該位置做倉或食糊用。


  以SMA60 為中線, 向上加 "一個點數" ,  向下減 "一個點數", 形成一條通道,  
港期 1MIN圖大約用 90-100  
         5MIN圖大約用 120-200
         30MIN圖大約用 480-500         日圖大約1800-2200


國期 1MIN圖大約用 35-40
         5MIN圖大約用 80-100
       30MIN圖大約用 150-170         日圖大約  800-1000


5)  FIN 魚鰭線, 由於形狀似魚鰭所以命名 !

     FIN 線係通道線的倍數位線,  而不同時態衝出 "常態波幅"通道後, 都大約會有一個終極位,
      這線段目的就係捕捉埋個 "常態終極位",  即估頂/底, 可以比等進入 "常態波幅"通道更早入市 !

      缺點:  遇大順勢價位會夾住線上落走,, 就會多次止損。

6)  支持阻力頂底橫線




當價位由 "常態波幅通道" 及 "FIN 魚鰭線" 反向進入線內時,  會有 "LC"  及"LP"  提示文字


使用方法簡單, 捉1MIN, 5MIN, 60MIN 的通道頂/底 !!
走出通道後, 就等到走返入通道先 開/平倉 便可以 !
當然你心滿意足的可以隨時先食糊 !
有贏就推前個止損止盈, 目標最好是通道對面,
如超出 "通道對面" 有機會變順勢, 到時就等走完大順勢返入通道先平倉!!


遇大順勢時, 如無法獲利係唔須要可惜,
等大走勢行完就得 !

因為根據統計,  大順勢出現的次數 "很少很少",
反而 "有波幅上落市" 出現情況較多, 所以我們成功機會就變得多 !



用通道炒法:

優點:
食來來回回波幅, 拉長可能比大順勢更多,
而且有機會捉到大順勢前上落位,
即大順勢起步點

而且入市機會較少, 所以輸的次數都會少

缺點:
1) 遇 "一開" 大順勢市況, 要輸或無法入市
2) 其次是超細波幅市況, 亦無法入市
3) 另一類就係夾住通道邊線走市況, 要輸


如能成功捕捉, 當日收獲就己很好
技巧其實無乜, 只 "特別留意早上市" 運用, 成功機會更大 !


只係如果有盈利可以推前個止損止盈,
保持自己為正數先續搏下去!

再多的就係BONUS !!



註: 不同產品不同時態, 都會有一個常態上下波幅點數, 只要觀察過去數據, 就可以自定該點數。
常態點數通道目的係捉反向或橫行用 !
當然順勢時會超出線上下, 但主要用法不是在上睇好, 在下睇淡用
而是捉極限位反向走!!

註: 缺點怕遇橫行無波幅市況, 留意停手規矩。

************
使用方法可以自己調節:

例如:

1) 跟單方向, SMA60線 + 箭頭方向, 線上只做向上/ 線下只做向下;

2) 跟箭頭搏偷步, 專做2線不同數值的第1支K線;

3) 跟當日走勢, 自己定下只做單方向
4) 捉 "常態波幅通道" 及 "FIN 魚鰭線" 頂底開倉

.....等等, 自己計劃一下 !

*************

同以前的各種法一樣, 定下不順意打止損的停手規矩:

例如:

1) 限 3 次入市,不能獲利就停止休息等下一天或特定時間 或

2) 限定今日損失多少, 到額就停手

3) 選特定時段, 每個時段限 3次, 有贏先加次數, 有盈利可停手~

註:  有盈利就更係推盤, 可以利用 ES 功能設定自動推, 或你人手拖線推 !