期指炒過夜還是炒ｄａｙｔｒａｄｅ

JJ

我自已就一定選擇ｄａｙｔｒａｄｅ，　跟住顏色做，　每月目標　ｘｘｘ　－　ｘｘｘｘ點（目標在心中，　唔話你聽住），　舊年恒指全年的波幅都係差不多上下，而且又唔使擔心裂口，唔使估計明天升定跌，（當然如做對方向過夜的，大茶飯又沒份．）　最佳拍檔是順勢系統，　可以輸少羸多，　每月在市場出糧，　長此以往，跑羸市場，　何樂不為？ 唔知大家點睇？ 　　

ceciliawong

Originally posted by JJ at 2006-2-6 01:22 PM: 我自已就一定選擇ｄａｙｔｒａｄｅ，　跟住顏色做，　每月目標　ｘｘｘ　－　ｘｘｘｘ點（目標在心中，　唔話你聽住），　舊年恒指全年的波幅都係差不多上下，而且又唔使擔心裂口，唔使估計明天升定跌，（當然如做 ...

不是澆你冷水，我覺得希望歸希望；做實事，應該按步就班，循序漸進為之 very good！ 摘錄本論壇 “ 自由港自由講 ” -- “ 別人的經驗之談 ” 內文一段與 閣下 共勉之。 『 問：交易技巧教得會嗎？ 答：有一定限度。多年來，我訓練了大約三十來人，但只有四五個成了好手。 問：其他２５人怎麼啦？ 答：全都改了行。這與智力無關。 問：成功的和失敗的學徒之間有什麼明顯的差異？ 答：成功者堅強、獨立，想法與眾不同。他們在別人不願進場時勇於行動。他們嚴於律己，進場規模適中。太貪的人總是砸鍋。有些很有靈氣的人賺了錢老是守不住。我有位同事聰明透頂，主意極佳，市場也選得好，就知識而言他比我更懂行，但我賺了錢能守住，他老是不行。 』

ben

絕對讚成!!! 成功者堅強、獨立，想法與眾不同。他們在別人不願進場時勇於行動。他們嚴於律己，進場規模適中。太貪的人總是砸鍋。有些很有靈氣的人賺了錢老是守不住。

JJ

多謝各位前輩提點, 晚輩也正在失敗中學習成長, 雖然大想頭, 也不會胡來為逹目標不擇手段. 今後免不了向各位多多討教

Wai_Wai

唔知, 但好似放長線是可以釣大魚. 正如港股在SARS之後不是己踏了上升軌道, 不是年年都升嗎? 如一直長買call/期貨, 應只會賺多蝕少! 就是這樣簡單便賺錢! 唔知您又點睇?

JJ

話實話, 長渣短炒都得, 要看自身條件(如果要返工的, 點做intraday呀)及經驗, 還要睇時間及投資/投機種類, 股票如果可以成功撈底及有大市氣氛配合, 不妨渣住看多一會兒, 但期指風險相對高, 如遇大戶陣倉三五百點, 問你如何自處? 而且散戶多後知後覺, 在底/頂部風險高及回報高時, 多不敢入市, 到見到升/跌了, 又怕高追/陣倉, 本人即是這樣, 可能經驗沒夠, (經驗夠的什麼情況也難不倒啦!) 試問你如果現在入市, 應是渣上定是沽落, 如渣上的, 向上望幾多點, 沽落的又可以落到何時, 我就唔想估. 但intraday 就無以上問題, 每天根據開市價和開市後的數分鐘判斷做上/下, 而且有最佳拍檔的顏色幫手, 絕對可以少交不少學費, 今早的恒期就有兩轉機會, 第一轉是在開市時, 符合開市三原則, 於10:10左右已經有100點利潤, 第二轉, 自己找找看. 唔知大家做了單沒有? 我自已就無做到, 點解? 雖然我資歷好淺, 但也曾嘗試建立自己的判市方法/系統(雖然有, 但缺點太多, 無法輸少贏多), 才裝了最佳拍檔三數天, 正在則試階段, 而今早最佳拍檔發出的顏色同我系統計算有衝突, 所以咪看多陣, 冇入市囉. 大家不要以為我是個因循守舊的人, 自己系統唔得, 又唔識轉膊, 跟最佳拍檔做不是一了百了嗎? 我個人的做風是凡是一件事, 不管多少人話好/話不好,不會冒冒然相信, 一定要經過自己的則試/驗證. 可以告訴大家, 經過這數天的觀察, 最佳拍檔的表現絕對very good, 跟住它做單日日都可以輸少贏多, 技術好或夠運的可以只贏不輸, 只可惜安裝及測試的時間太短, 如有新的進展再同大家交流. 祝齊齊贏!!!

ben

祝你贏多D!

Wai_Wai

如遇大戶陣倉三五百點, 問你如何自處?

其實可以咁! 股票因您要比足全數才買得到. 故跌幾多都唔洗補水! 但期貨唔同, 只需比例如5%就到100%野. 解決方法是不要只有5%便100%野, 要限自己有30%才買100%野. 這樣便可震300至500百都唔使怕! 代自己渣了股票咁渣. 當然以上只是簡單的做法! 做多d野的話, 震300/500點時都唔會咁傷!

試問你如果現在入市, 應是渣上定是沽落, 如渣上的, 向上望幾多點, 沽落的又可以落到何時, 我就唔想估.

如估頂, 本人會等它國指(現時阻力是6500)升盡時玩期權 - 買put or 沽call!

曾嘗試建立自己的判市方法/系統

有興趣想知您個系統係點? 如可以的話, 或者本人可指出它出了什麼錯!

ben

預多過5%,例如Wai_Wai話齋30%,咁樣就安全得多. 國指等到日週圖都變藍就沽它死,買put/窩輪又可以贏錢! 我也有興趣了解jj的系統是怎樣運作的!

JJ

自問錢不夠多,人不夠醒目, 投資經驗少, 又見intraday的風險較細, 才在此發表一己愚見, 令大家見笑了. 方法萬千種, 長渣短炒, put/call, 各有利弊, 自問愚鈍, 還是研究住一樣先. 自己那個系統, 東拉西湊小兒科的玩意兒, 就不在此現丑了! 期指於下午開市見15330, 其後上揚, 暫時可以鬆一口氣, 大家點睇?