今早 (17/9/2008) call 孖展好唔開心 , 又見你地沽兩邊 (short call & short put ) 期權。 我花了很長時間 , 集体講、個別講 , short勒束、short馬鞍這些策略係好危險嘅!這些策略只可在波幅相對細 (最好橫行牛皮) 的時候做。 現在大市每日的波幅相對大 , 波幅一大沽兩邊就會比人上下兩邊都挾 , 昨天對冲完上面 , 今天又要對冲下面 , 有大裂口仲對冲唔倒添! 總之就令你心緒不寧 , 又驚個市跌 , 又驚個市升 , 日日你都唔開心 ,
我今早再想了一下!試吓咁樣比個標準大家 , 現在 (17 / 9/2008) 港交所規定大期每張按金 $101,900 交易所是累計每天大市波幅來計算風險水平來決定收多少按金的。 波幅大按金就高 , 波幅細按金就低。現在每日大約有300 - 700點波幅左右;翻查去年紀錄 , 2007年 3月大期按金 $64,975 那時按金少即波幅細 , 是short勒束、short馬鞍的好時機。 8月份波幅開始擴大 , 大期按金己彈升至$110,720 10月大期按金 $152,700 11月大期按金 $180,850 2008年 2月大期按金 $196,800 ……………..
喜歡沽兩邊期權 (short call & short put) 賺時間值、賺引伸波幅的朋友 , 這樣吧!同自己定個規矩 , 當大期按金高於 $80,000 / 張時 , 即波幅己大 , 沽兩邊難賺錢兼有危險 , 就唔好再開兩邊倉 la , 改為找順勢方向 , 只沽單邊或 long call / long put算嘞! 到大期按金低於 $80,000 / 張時 , 再開short勒束、short馬鞍倉 la!
祝大家好運!
|