"克服心魔" - 與其你去配合市況;何不等市況去配合你?

admin

期指炒賣場上, 好多時都會聽到朋友話, 克服唔到"心魔" !
此"心魔" 多指:
1) 唔肯止損;
2) 捉到方向, 數到浪段, 計到食糊目標位數值....但又唔肯去食;
3) 肯放止損, 但不停改動, 搏市況會逆轉走向, 但事與願違;
4) 逆市不停 "沽" 搏摸頂; 不停 "楂" 搏撈底, 形成多次止損;
5) 捉中方向, 贏10-20點就走;  輸了就死忍 50, 100點, 都唔肯走;
6) 明明今日有贏應該收手, 但總是多多手又再入市,  將己贏的變倒輸有凸;
........等等

這些都是人性心理及情緒方面, 要自己去鍛煉, 無任合人可以幫到你~



"克服心魔" - 與其你去配合市況;何不等市況去配合你 ?

所以話有人會失敗離場, 有人會成功留低, 但能留低的佰份率實在是極之低,
有人用1個月己經捉到自己手法, 有人用十年都未能成事, 所以見慣了離場的朋友,
我們完全明白是甚麼一回事~

有時一個方法只要持之以恆, 只要大部份時間可以成功獲利, 雖然可能有些市況不能配合,
但都要堅持, 最多將次數再減少, 以避其風險, 等不配合的日子走過後,
回復正常日子後便又可以穩定使用。

當然如果懂得配合市況, 能轉換配合的方式去使用, 都可以提高獲勝,
但能"觀圖變陣" 的朋友亦不多, 這個有很多原因影響.......
經驗, 技巧, 想法, 勇氣, ........等等‧  

但無話一定要變, 可以將原方法保持,
只要於之前成功次數最多的方法便可以, 有句話叫: "不變應萬變" !!  
這樣就只是等市況給你配合, 無用左轉右轉‧

炒賣方法有很多種, 只是看使用者如何將其優點放大, 避其缺點去運用。
如你看得懂以上所講話的, 心魔問題, 應該可以慢慢改善。