不用急先觀察, 答案就在背後!!
黃金週剛開始, 就出現奇怪急升、急跌、再急升市況, 而且不只是港股, 港期出現, 連美股, 美期都出現這種狀況, 只能表明一樣 "有不明朗因素影响中"!!
大戶都各有兩種勢力在爭鬥之中, 還有這一批未必是正式的基金大戶, 只是有大資金的賭徒,這個是我個人估計。
8月尾到現在仍於 20500-22100 之間游走, 約1600點區間, 暫時都以短炒快食為佳, 如果要選一邊做主力, 仍會選主沽, 正如之前所講反彈一定有, 而如果叫做有力的反彈, 一定要彈上 22,574.90 之上, 最近浪段的反彈61.8%線位, 否則, 原先講 HSF 的下跌5-5浪, 仍有可能出現。
很多朋友都不停問係咪見底, 日日問, 但是我無可能答到你的, 只能跟圖表做, 如果你要定是見底, 那給自己一個圖表上的理據, 能達到就是見底, 不能達到就不是見底, 所以日日估都無意思, 講知道都係呃你, 除非有實質理據及事實証明。
現在重點是我們仍處於一個大型橫行區之內, 而橫行區頂為 HSF 22198, HSI 22228 ,所以可以先留意能否升穿這個位置, 如能升穿就再看上面的61.8% 線位, 一級級跟進先~
例如你可以定立日圖 22600 為一條界線, 能彈穿就當"暫時"見底成功, 到時等回吐不跌穿, 再重上的時候便可以找位入市!!
接著你可能又會問, 到時才入市咪彈左好多?賺少好多? 如果你咁想的話, 即表示你自己都根本不認同己到底, 因為如果是個底, 向上的幅度是以月份計的, 不是以日計或週線計的, 那會賺少好多? 反而走勢行了出來後, 走勢明確就很容易跟進~
如果自己都不認同見底, 那又為何要問到底未? 及為何怕賺少好多呢? 這個就是大部份人 "似長線" "實短線" 的操作, 既然係短線, 那不用見底才做, 任何日子, 找對角位, 對5MIN, 60MIN,日線圖配合炒作, 定下止損位便可以了, 係底唔係?? 對 "短炒操作" 者意義不大~
現在反彈中就先跟圖, 炒期朋友跟回5MIN, 30MIN, 60MIN 等走勢,即市跟圖表走便可以。
HSF 前面有兩個浪段: 第一個反彈阻力位 100.0% 24,122.00 61.8% 22,574.90 ** 50.0% 22,097.00 ** 38.2% 21,619.10 23.6% 21,027.80 0% 20,072.00
第二個反彈阻力位 100.0% 25,620.00 61.8% 23,500.66 ** 50.0% 22,846.00 **
|