"夜期" 初期推出只宜觀察，無大戶舞高弄低，你信唔信 ? ...

"夜期" 初期推出只宜觀察，無大戶舞高弄低，你信唔信 ?

交易所即將會於 2013年4月8日星期一， 推行晚間港期延續時段，簡稱 "期指夜市" 又叫 "夜期" ! 時間為17:00-23:00。

順便提一提大家，17:00 後的倉全部當作另一天計算，所以如果你16:15前有倉帶過市，就變成過夜倉收費計算，就算你於17:00-23:00 時段平倉，亦當作另一天開的平倉單，不會當即日倉計。

"夜期" 變數多大家要小心應對， 因為初期推出只有 "大期" 可以交易， 並沒有小期、期權及任何對沖工具可以使用，對於一眾華資行提出的風險問題， 交易所視而不見， 我們小散戶、投資者就只有自求多福， 為免再遇早幾年前 "現貨收市後競價時段政策" 情況一樣， 須然現在己經取消該政策，但當初交易所都是堅決話無大戶舞高弄低市場，還說我們小見多怪...........。

直至大笨象匯豐於該時段，被大戶撳到落 33元，交易所先死死地氣肯取消該政策 ! 並無大戶舞高弄低 ?  怎想說得過去 ?

明知山有虎偏讓老虎周圍咬人 ? 何為之為保障投資者風險放到第 1位 ?

今次夜期其實就同當時一樣， 如要減小投資者風險， 應該一同推出可以對沖的相關產品， 例如: 小期及指數期權.....等等。

現在只有大期可以交易， 而且容許波幅為 現貨月合約最後成交價的 5% 上下限波幅區間， 即假設最後成交價為 23000 點，可以容許波幅便為 -/+ 5% 1150點，由 21850 - 24150 點， 即如果大戶玩到盡可以抽上插落波幅 2300點 !!

就算當作大戶有良心一點， 唔玩盡 2300點，都可以玩 5%  1150點，

如真夜期有 1仟點變動時，對明日現貨市場會無影响嗎 ? 如果用裂口出現呢?風險是增加還是減少 ?

持小期客戶，並無小期可以對沖或平倉，只能做大期，但變相要持相反倉位，變成 "焗賭"；持指數期權客戶命運將會相同，因為就算可以用大期做對沖, 都要你一早就己經預備好足夠金錢於戶口做對沖才可以；持現貨更無法唔擔驚受怕一整晚到明朝早........都仲未驚完，因為都唔知個市會否回復原狀 ? 定跟跌 1仟點 ? 如果連續玩兩晚下跌 1仟點呢 ?

某某到時可能又走出來講聲 : "你地小見多怪 !! "

對於我們炒即市波幅的，及不過市不過夜，影响就比較細，因為我們會以安全出發為大前題，而且流暢的波幅是我們的朋友，更加希望能流暢地大上大落的出現大波幅，但大前題係大戶唔會利用裂口玩野，才可以如願......。

所以如果你問我，夜期炒唔炒得過，我只能回答，初期推出只宜觀察一下，

等佢定出個模式之後，才考慮參與。

時間上本人覺得起碼觀察半或一個月先， 之後如果定到市場模式後， 我們就可以利用QuamRadar 港期即市資料服務， 提供資料給 MetaStock Pro 去執行指標分析， 以提高我們之獲勝條件 !!

起碼小弟對自己建立於 MetaStock上的一套指標 bp-system極有信心，只要有流暢的波幅，就可以達到輸少贏多地炒賣，只怕佢用裂口其餘時間橫行無波幅。

下期再同大家講多些 MetaStock上的功能應用，或指標制作方法 !!

如有關 MetaStock 上的使用問題，亦可以直接到我個人論壇 MetaStock專區發帖子詢問，我會盡量解答，下期再見BYE。

MetaStock發問專區:

http://www.bp-system.com/discuz/forum.php?mod=forumdisplay&fid=4